कैलाली । कैलालीको धनगढीस्थित राइजिङ्ग स्टार इङ्ग्लिस बोर्डिङ स्कुलले बृहत सरसफाइ कार्यक्रम गरेको छ ।
धनगढी उपमहानगरपालिकाले अघि सारेको हाम्रो धनगढी हामी बनाउछौँ भन्ने नारालाई आत्मसाथ गर्दै धनगढी उपमहानगरपालिका ६, मटियारी मा रहेको उक्त स्कुलले सरसफाइ कार्यक्रम सम्पन्न गरेको हो ।
सरसफाइ कार्यक्रममा शिक्षक, विद्यार्थी, जनप्रतिनिधि, पत्रकार एवम् स्थानीयले विद्यालयको ५ सय वर्ग मिटर क्षेत्र वरपर सरसफाइ गरेको थिए । साथै उक्त क्षेत्रमा कुहिने तथा नकुहिने फोहोर व्यवस्थापनका लागि डस्टबिनहरु पनि राखिएको विद्यालयले जनाएको छ ।
विद्यार्थीहरुलाई सानैदेखि वातावरण सरसफाइ र सरसफाइको महत्वबारे सिकाउने तथा धनगढीलाई सफा अनि सुन्दर नगरी बनाउने अभियानमा सहयोग गर्ने उद्धेश्यले सरसफाइ कार्यक्रम आयोजना गरेको विद्यालयका एमडी कलेन्द्र शाहीले बताएका छन् ।
प्रतिक्रिया दिनुहोस्