कैलाली- कैलालीको धनगढी उपमहानगरपालिकाभित्र स्थायी रुपमा बसोबास गर्ने व्यक्तिले निःशुल्क रगत पाउने भएका छन् । नेपाल रेडक्रस सोसाइटी कैलाली शाखाबाट उपचारका क्रममा आवश्यक पर्ने रगत निःशुल्क उपलब्ध गराइने भएको हो ।
उपमहानगरले मङ्गलबार रेडक्रस शाखा धनगढीसँग सम्झौता गरेको छ । जसअनुसार उपमहानगरभित्र स्थायी बसोबास भएका बिरामीले चिकित्सकको सिफारिसमा रेडक्रसबाट निःशुल्क रगत पाउनेछन् । सो रगतको रकम उपमहानगरले रेडक्रसलाई त्रैमासिक रुपमा भुक्तानी गर्नेछ ।
चालु आर्थिक वर्षका लागि उपमहानगर र रेडक्रस शाखा धनगढीले निःशुल्क रगत पाउने सम्झौता गरेको हो ।
प्रतिक्रिया दिनुहोस्