दार्चुलाका धेरै बस्ती बाढीको जोखिम, १६ घरपरिवारलाई स्थानान्तरण गरियो !

दार्चुला : दार्चुला बाढीको जोखिममा परेको छ ! केही दिन यता लगातार बर्षा हुँदा केही बस्ती घरलाई नै यताउता स्थानान्तरण गरिएको छ। 

जिल्लाको मार्मा गाउँपालिका–४ र ५ का १६ घर गन्याड खोलाको बाढीको जोेखिममा परेपछि १६ घरधुरीका ४८ महिला र ५१ पुरुष गरेर ९९ जनालाई स्थानान्तरण गरिएको छ ।

उनीहरुलाई नजिकै रहेको हटिनाथ आधारभुत विद्यालय र सूर्योदय आधारभुत विद्यालयमा स्थानान्तरण गरिएको जिल्ला प्रहरी कार्यालय दार्चुलाले जनाएको छ । 

बुधबारबाट परेको अविरल वर्षाले गन्याड खोलामा आएको बाढीको जोखिम बढेपछि जीउधनको क्षति नहोस भनेर बस्तीका मानिसलाई स्थानान्तरण गरिएको हो ।