धनगढी : धनगढी उपमहानगरपालिकाले निःशुल्क क्यान्सर हेल्थ क्याम्प सञ्चालन गरेको छ । उपमहानगरपालिकाले वार्षिक कार्यक्रमअनुसार विभिन्न वडामा निःशुल्क क्यान्सर हेल्थ क्याम्प सञ्चालन गरेको हो ।
हाल धनगढी उपमहानगरपालिका ११ मा उक्त क्याम्प सञ्चालन भइरहेको छ । वडा नम्बर ११ मा सञ्चालन भएको उक्त क्याम्पमार्फत करिब डेढ सय स्थानीयले सेवा लिएको वडा नम्बर ११ का वडा सदस्य लालबहादुर महतले बताएका छन् ।
वडा सदस्य महतका अनुसार उक्त क्याम्पमा वडा नम्बर ११, ५, १२, १३ र ६ का स्थानीयहरुको सहभागिता रहेको थियो । वडाबासीलाई स्वास्थ्यमा सहज पहुँच र सुलभ उपचारको प्रत्याभूति गराउन क्याम्प सञ्चालन भएको वडा सदस्य महतले बताए ।
बिपि कोइराला मेमोरियल क्यान्सर अस्पताल, भरतपूर र धनगढी उपमहानगरपालिकाको समन्वयमा सञ्चालन गरिएको उक्त क्याम्पमार्फत फिजिसियन, स्त्रि तथा प्रसुती तथा क्यान्सरसम्बन्धी परीक्षण तथा परामर्श गरिँदै आएको छ ।
वडामै निःशुल्क रुपमा विशेषज्ञ चिकित्सक सेवा पाएपछि स्थानीयहरु पनि हर्षित बनेका छन् । उनीहरुले धनगढी उपमहानगरपालिकाका मेयर गोपाल हमाललाई पनि धन्यावाद दिएका छन् ।
प्रतिक्रिया दिनुहोस्