धनगढी : धनगढीमा सम्पन्न कैलाली यू-१६ अन्तर विद्यालय क्रिकेट च्याम्पियनसिप २०८१ को च्याम्पियन लिटिल फ्लावर स्कुल बनेको छ । फाइनल खेलमा र ऐश्वर्या विद्या निकेतन ७६ रनले पराजित गर्दै लिटिल फ्लावरले च्याम्पियन बनेको हो ।
प्रथम स्थान हासिल गरे संगै लिटिल फ्लावरले ५० हजार पुरस्कार जितेको छ भने ऐश्वर्या द्धितिय स्थान मै सिमित रहदाँ २५ हजार मै चित्त बुझाउनु पर्यो ।
जितका लागि पाएको १३५ रनको लक्ष्य पछ्याएको ऐश्वर्या १८.४ ओभरमा ५८ रनमा अलआउट भयो। उसका कुनै पनि ब्याटरले सम्झन लायक प्रदर्शन गर्न सकेनन् ।
लिटिल फ्लावरका सचिन भट्ट,दिनेश महरा र विक्की सिंहले २/२ विकेट लिए। यसअघि फाप्ला मैदानमा पहिला ब्याटिङ गरेको लिटिल फ्लावरले निर्धारित २० ओभरमा ९ विकेटको क्षतिमा १३४ रन बनायो।
जसमा सचिन भट्टले अविजित ५८ रन बनाए। ऐश्वर्याका अविरल विकले ३ विकेट हात पारे। कैलाली जिल्ला क्रिकेट संघको आयोजनामा वैशाख ३० गतेदेखि प्रतियोगिता सुरु भएको थियो।
प्रतिक्रिया दिनुहोस्