आगामी बैशाखदेखि सुर्ती, खैनी तथा गुट्खा प्लाष्टिकमा प्याकिङ गर्न नपाइने

काठमाडौँ: आन्तरिक राजस्व विभागले आगामी बैशाख १ गतेदेखि खैनी, गुट्खा, पान मसला वा यस्तै प्रकारका बस्तु प्लाष्टिक बाहेकका जैविक रूपमा सडेर जाने सामग्रीमा मात्रै प्याकिङ् गर्नुपर्ने जनाएको छ ।

विभागले अन्तःशुल्क नियमावली २०५९ मा भएको चौविसौँ संशोधनले २०८१ वैशाख १ गतेबाट सुर्ती, खैनी, गुट्खा, पान मसला वा यस्तै प्रकारका बस्तु जैविक रूपमा सडेर जाने बस्तुमा मात्र प्याकिङ गर्नुपर्ने व्यवस्था गरिएको जानकारी दिएको हो ।

यी बस्तु पैठारी गर्ने इजाजतवालालाई सो नियम बमोजिमको तयारी अहिलेदेखि नै थाल्न विभागले आग्रह गरेको छ । विभागद्वारा जारी सूचना अनुसार विभागले २०८१ साल वैशाखदेखि यो नियम लागू हुने भएकोले सोही अनुसार तयारी थाल्न इजाजतवाला निकायलाई आग्रह गरिएको हो ।