पूर्व प्रधानमन्त्रीद्वय नेपाल र भट्टराईमाथि छानविन गर्न सर्वोच्चको आदेश

धनगढी । सर्वोच्च अदालतले पूर्व प्रधानमन्त्री माधवकुमार नेपाल र डा.बाबुराम भट्टराईमाथि छानविन गर्न आदेश दिएको छ । आइतबार न्यायधीशरु अनिलकुमार सिन्हा र डा.कुमार चुडालको संयुक्त इजलासले निर्णयकर्ता नेपाल र भट्टराईमाथि छानविन गर्न आदेश दिएको हो ।

मिति २०६६/१२/२९ र मिति २०६७/१/३१, २०६७/४/२८ तथा मिति २०६९/६/१८ को नेपाल सरकारको मन्त्रिपरिषद्को निर्णय तथा निर्णय प्रमाणित गरी कार्यान्वयन तहमा प्रत्यक्षरूपमा संलग्न हुने, मन्त्रालयस्तरमा सो निर्णय गर्न किटानी प्रस्ताव पेश गर्ने वा प्रस्तावमा संलग्न माथिल्लो तहको पदाधिकारी वा अधिकारीको पदसोपान (अनुसन्धानकर्ताको सवाल बमोजिमको ‘पिरामिड’ को माथिल्लो तह) बाट गरी अब उप्रान्तको थप अनुसन्धान कार्य अविलम्ब सम्पन्न गर्नु/गराउनु । अदालतको आदेशमा उल्लेख छ ।

त्यस्तै उक्त प्रकरणमा जोडिएका योगराज न्यौपानेले दायर गरेको बन्दी प्रत्यक्षीकरणको रिट निवेदनको सुनुवाइमाथि उक्त आदेश आएको हो । ललिता निवासको जग्गा प्रकरणमा अब पूर्वप्रधानमन्त्रीद्वय माधवकुमार नेपाल र डा बाबुराम भट्टराईमाथि पनि अनुसन्धान गर्ने बाटो खुलेको छ ।