धनगढी । केही दिनयता गेटा आँखा अस्पतालमा आँखा पाक्ने रोगको उपचार गराउनेहरुको चाप बढेको छ ।
खासगरी बर्खायाम सुरु भएपछि गेटा आँखा अस्पतालमा आँखा पाक्ने रोगको उपचार गराउने बिरामीको चाप बढेको हो ।
आँखा पाक्ने रोगलाई चिकित्सकीय भाषामा ‘एडिनो भाइरस कन्जन्टिभाइटिस’ पनि भन्ने गरिन्छ । यो रोग एकाएक फैलिएपछि अहिले गेटा आँखा अस्पतालमा सामान्यभन्दा तीन गुणा बढी बिरामी उपचारका लागि पुग्ने गरेका छन् ।
हाल अस्पतालमा आउने अधिकांश बिरामीहरु आँखा पाक्ने रोगको उपचारका लागि आउने गरेको अस्पतालका चिफ मेडिकल डिरेक्टर सुरेशराज पन्तले बताएका छन् ।
अहिले आँखा पाक्ने रोगको उपचारका लागि सुदूर तथा कर्णाली प्रदेशसँगै भारतबाट पनि बिरामीहरु गेटा आँखा अस्पताल पुग्ने गरेका छन् ।
हरेक बर्खायाममा पानी परेर रोकिएपछि आँखा पाक्ने समस्या देखिन्छ । तर, यसवर्ष भने देशभरका धेरै ठाउँमा आँखा पाक्ने रोग प्रकोपको रुपमा फैलिएको छ । फोटो फिचर:
प्रतिक्रिया दिनुहोस्