उखुको जुसका फाइदा

गर्मी बढेसँगै हाम्रो शरीरमा पानीको मात्रा कम हुन्छ। किनकी शरीरमा भएको पानी धेरै पिसनाको माध्यमबाट बाहिर जाने हुन्छ। त्यसैले यो मौसमा मानिस उखुको रस सेवन गर्ने गरेको पाइन्छ। हाम्रो शरीरमा पानीको मात्रा कम हुँदा जुस तथा फलफूलले त्यसलाई केही मात्रामा पूर्ति गर्ने गर्दछ। साथै रोग प्रतिरोधात्मक क्षमता बढाउनसमेत उखुले मद्दत गर्छ। उखुको रसमा प्रशस्त मात्रामा आइरन, पोटासियम, क्याल्सियम, म्याग्नेसियम जस्ता तत्त्व पाइन्छ। जसले शरीरमा पोषण तत्त्व प्रदान गर्नुका साथै शरीरलाई फूर्तिलो र स्वस्थ बनाउँछ। यसमा प्रशस्त मात्रामा पानीको मात्रा हुने भएकाले पिसाब सम्बन्धी समस्याबाट पनि मुक्ति पाउन सकिने चिकित्सकले बताएका छन्। नियमित उखुको जुसले जन्डिसको समस्यामा अधिक लाभ मिल्छ।

पानीको मात्रालाई सन्तुलित बनाउन मद्दत गर्छ
उखुको जुसको सेवनले शरीरमा पानीको मात्रालाई सन्तुलित बनाएर राख्न विषेश मद्दत गर्छ। साथै पिसाब सम्बन्धी समस्याबाट पनि मुक्ति दिलाउछ।

शरीरलाई फूर्तिलो र स्वस्थ राख्छ
उखुको जुसमा प्रशस्त मात्रामा आइरन, पोटासियम, क्याल्सियम, म्याग्नेसियम जस्ता तत्त्व हुन्छ जसले शरीरमा पोषण प्रदान गर्नुका साथै शरीरलाई फूर्तिलो र स्वास्थ्य बनाउँछ।

कलेजोलाई मजबुत बनाउँछ
उखुको जुसको सेवनले कलेजोलाई मजबुत बनाइराख्न मद्दत गर्नुका साथै कलेजो सम्बन्धी समस्याबाट मुक्ति मिल्छ। कलेजोमा संक्रमण हुन दिँदैन।

शरीरलाई शक्ति तथा ऊर्जा प्रदान गर्छ
उखुको रसमा प्रशस्त मात्रामा ग्लुकोज पाइने हुँदा यसले शरीरलाई शक्ति तथा ऊर्जा प्रदान गर्नमा मद्दत गर्छ।

पिसाबको इन्फेक्सन कम गर्छ
उखुको जुसको सेवनले प्रयाप्त मात्रामा पिसाब लाग्ने हुँदा जसलाई पिसाब रोकिने, पिसाबको इन्फेक्सनका समस्या छन् त्यसमा अधिक लाभ मिल्छ। साथै मिर्गौलालाई स्वस्थ राख्छ।

दाँतको लागि फाइदाजनक
दाँत सम्बन्धी समस्यामा उखुको जुस खाँदा लाभ मिल्छ। किनकी उखुको रसमा क्याल्सियम र फोस्फोरस अत्याधिक मात्रामा पाइन्छ।

थकानमा लाभ मिल्छ
उखुको जुसमा साधारण गुलियो पदार्थ हुने हुँदा तुरुन्त शरीरमा ऊर्जा सिर्जना हुन्छ र थकान कम महसुस हुन्छ। उखुको जुसले क्यान्सर लगायतको समस्याबाट पनि छुटकारा मिल्छ।

छाला चम्किलो बनाउँछ
उखुको रसलाई प्याक बनाएर फेसमा लगाउदा अनुहारलाई चम्किलो बनाउन मद्दल गर्छ। साथै अनुहारमा आउने पिम्पल लगायतका समस्याबाट छुटकारा पाउन सकिन्छ। सधै सफा ठाउँको र सफा भाँडोमा मात्र उखुको जुस सेवन गर्नुपर्छ। मधुमेह रोगको बिरामीका लागि भने उखुको रस सेवन गर्नु लाभदायक मानिदैन।