सुदूरपश्चिमका मुख्यमन्त्री राजेन्द्र रावल पदमुक्त, फेरिन सक्छ सत्ता समिकरण

काठमाडौँ –– सुदूरपश्चिम प्रदेशका म्ुख्यमन्त्री राजेन्द्र रावलको पदमुक्त भएका छन्ु । बिहिबार बसेको प्रदेशसभा बैठकमा मुख्यमन्त्री रावलले विश्वासको मत मागेका थिए । रावलले मागेको विश्वासको मत सभामुखले निर्णयार्थ प्रस्तुत गरेपछि रावलको पक्षमा भन्द विपक्षमा बढी मत आएको थियो । मुख्यमन्त्रीले सपथ ग्रहण गरेको १ महिनाभित्र विश्वासको मत लिनुपर्ने संवैधानिक व्यवस्था अनुसार आज रावलले विश्वासको मत मागेका थिए । विश्वासको मत नपाएपछि रावल स्वतः पदमुक्त भएका हुन् । नेकपा एमालेबाट मुख्यमन्त्री बनेका रावल पदमुक्त भएसँगै सत्ता समिकरण फेरिने आकलन गरिएको छ । यता प्रधानमन्त्री प्रचण्डसँग नेपाली काँग्रेसका उच्च तहका नेताहरुले भेटघाट बढाएका छन् । आज मात्रै काँग्रेस महामन्त्री गगन थापाले प्रधानमन्त्री प्रचण्डलाई भेटेका थिए ।