‘परिवर्तनशील युवा क्लब’ धनगढी-१७ द्वारा दसैंतिहार विशेष खुल्ला भलिबल प्रतियोगिताको आह्वान, टिम दर्ता खुला

धनगढी: कैलालीको धनगढी उपमहानगरपालिका वडा नं. १७ मा सक्रिय ‘परिवर्तनशील युवा क्लब’ को आयोजनामा आगामी दसैंतिहारको अवसर पारेर भव्य भलिबल प्रतियोगिता हुने भएको छ। युवाहरूमा खेलकुदप्रतिको उत्साह जगाउने र स्थानीय स्तरमा खेल प्रतिभा उजागर गर्ने उद्देश्यले क्लबले ‘दसैंतिहार विशेष खुल्ला भलिबल प्रतियोगिता -२०८३’ आयोजना गर्ने घोषणा गरेको हो।

क्लबले जारी गरेको सूचना अनुसार प्रतियोगिता आगामी २०८३ कार्तिक १८ देखि २१ गतेसम्म सञ्चालन हुनेछ। उक्त प्रतियोगितामा टिम दर्ताका लागि खुला आह्वान गरिएको छ भने टिम दर्ता गर्ने अन्तिम मिति २०८३ साल कार्तिक १७ गतेसम्म तोकिएको छ। प्रतियोगितामा भाग लिन चाहने टिमले रु. १,५५५/- टिम दर्ता शुल्क तिरेर आफ्नो नाम दर्ता गराउन सक्नेछन्।

प्रतियोगितामा विजेता हुने टिमका लागि आकर्षक पुरस्कार राशि राखिएको छ। जसअनुसार प्रथम पुरस्कार रु. २०,००० (बीस हजार) नगद सहित ट्रफी, मेडल र प्रमाणपत्र प्रदान गरिनेछ भने द्वितीय पुरस्कारका लागि आकर्षक नगद राशि (कार्तिक १७ गते तोकिने) सहित मेडल र प्रमाणपत्र प्रदान गरिनेछ। खेलसम्बन्धी अन्य थप नियम तथा जानकारीहरू पछि समितिले उपलब्ध गराउने जनाइएको छ।

टिम दर्ता तथा थप सहजीकरणका लागि क्लबले पदाधिकारीहरूको सम्पर्क नम्बरसमेत सार्वजनिक गरेको छ:

• उपाध्यक्ष: शंकर साउद (९७६९८३७९७०)
• सचिव: बिमल बोहरा (९७६११८३५४४)
• कोषाध्यक्ष: सुनिल सिंङ बोहरा (९७४७२९४७७६)
• अध्यक्ष: लोकराज जोशी (९८६५७९२४७०)

दसैंतिहारको उल्लासलाई खेलकुदसँग जोड्दै स्थानीयस्तरमा आपसी सद्भाव र भलिबलप्रतिको क्रेज बढाउन यस प्रतियोगिताले महत्त्वपूर्ण भूमिका खेल्ने अपेक्षा गरिएको छ। क्लबले सम्पूर्ण खेलप्रेमी, खेलाडी तथा युवाहरूलाई समयमै टिम दर्ता गराएर प्रतियोगितामा सहभागी हुन हार्दिक अनुरोध गरेको छ।