काठमाडौं– नेकपा (एमाले)का महासचिव शंकर पोखरेलले सरकारको स्वेच्छाचारिता रोक्न आवश्यक परे एमाले सडकमा आउन तयार रहेको बताएका छन् ।
दाङमा सञ्चारकर्मीसँग कुरा गर्दै उनले पार्टी कार्यकर्तालाई जुनसुकै बेला सडक आन्दोलनका लागि तयार रहन निर्देशन दिएको बताए ।
भदौ २४ को घटनासँग जोडेर तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई पक्राउ गरिएको प्रसंग उठाउँदै पोखरेलले सुनसरी घटनामा पनि वर्तमान प्रधानमन्त्री र गृहमन्त्रीले जिम्मेवारी लिनुपर्ने बताए ।
उनका अनुसार, विगतमा गरिएको आरोप सही हो भने अहिलेका प्रधानमन्त्री र गृहमन्त्रीले माफी माग्नुपर्छ, अन्यथा राजीनामा दिएर कानुनी प्रक्रियाका लागि बाटो खोल्नुपर्छ ।
उनले प्रतिपक्षी लोकतान्त्रिक शक्तिहरू मिलेर सरकारलाई गलत दिशामा जानबाट रोक्नुपर्ने पनि बताए ।
साथै, उपाध्यक्ष विष्णु पौडेलमाथि सम्पत्ति शुद्धीकरणको नाममा गरिएको कारबाहीलाई अनुचित भएको टिप्पणी गरे ।
प्रतिक्रिया दिनुहोस्