मधेसका ११ परीक्षा केन्द्रमा त्रिविको एमबीएस परीक्षा स्थगित

काठमाडौं । मधेस प्रदेशका ११ परीक्षा केन्द्रमा त्रिभुवन विश्वविद्यालयको व्यवस्थापन संकायको परीक्षा स्थगित भएको छ । 

त्रिविको मास्टर अफ बिजनेस स्टडिज (एमबीएस) अन्तर्गत ‘एमकेटी ५११ः मार्केटिङ म्यानेजमेन्ट’ विषयको परीक्षा स्थगित भएको हो । डीनको कार्यालयले शुक्रबार जारी गरेको सूचनाअनुसार आज (साउन १५ गते) सञ्चालन हुने तय भएको उक्त विषयको परीक्षा अर्को सूचना प्रकाशित नभएसम्मका लागि स्थगित गरिएको हो । 

स्थगित परीक्षाको नयाँ मिति तथा समय तत्काल सार्वजनिक गरिने सूचनामा उल्लेख छ । डीनको कार्यालयका अनुसार यी ११ परीक्षा केन्द्रबाहेक देशका अन्य सबै परीक्षा केन्द्रमा भने पूर्वनिर्धारित परीक्षा तालिकाअनुसार नियमित रूपमा परीक्षा सञ्चालन हुनेछ ।