सेवाग्राही कुट्ने यातायातका निमित्त हाकिमको खोसियो जिम्मेवारी

काठमाडौं । कार्यालयमै सेवाग्राही कुटेको भिडियो भाइरल भएसँगै यातायात व्यवस्था कार्यालय बाराका निमित्त प्रमुख चिन्तन आचार्यको जिम्मेवारी खोसिएको छ ।

आजको मन्त्रीस्तरीय निर्णयबाट आचार्यलाई मन्त्रालय तानिएको हो । उनको स्थानमा बारा यातायात व्यवस्था कार्यालयका अधिकृत रामस्वार्थ महतोलाई पठाइएको छ । हाल आचार्यलाई धनुषा प्रहरीमार्फत बारा प्रहरीले कार्यालय झिकाएर अनुसन्धान गरिरहेको छ ।

प्रहरीका अनुसार सार्वजनिक भएको सिसिटिभी भिडियो गत फागुन तेस्रो साता तिरको रहेको बताइएको छ। कार्यालय प्रमुखको कार्यकक्ष बाहिर एक सेवाग्राहीसँग विवाद चर्किएपछि दुवै पक्षबीच हातपात भएको थियो । तर कुटपिट गरेको भिडियाे अहिले सार्वजनिक भएसँगै मन्त्रालयले एक्सन लिएकाे हाे ।