कलंकीमा मोटरसाइकल दुर्घटना हुँदा एकजनाको मृत्यु

काठमाडौं । काठमाडौंमा मोटरसाइकल दुर्घटना हुँदा एकजनाको मृत्यु भएको छ । 

कलंकी पुलनजिक सडकमा बा. ९० प ५३४१ नम्बरको मोटरसाइकल अनियन्त्रित भई सोमबार बिहान दुर्घटना हुँदा एकजनाको मृत्यु भएको हो । 

मृत्यु हुनेमा मोटरसाइकलका चालक कैलाली घर भएका २७ वर्षीय प्रकाश साह रहेका प्रहरीले जनाएको छ । 

दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो ।