बाजुरा — बाजुराको स्वामीकार्तिक खापर गाउँपालिका–४ वाइमा धारिलो हतियार प्रहारबाट एक महिला घाइते भएकी छन्।
आइतबार राति करिब १:३० बजे ३६ वर्षीया ठुमरा विष्ट आफ्नै घरको कोठामा सुतिरहेको अवस्थामा अपरिचित व्यक्तिले भान्सा कोठामा बोलाई घाँटीको बायाँ भागमा चक्कु प्रहार गरेको जिल्ला प्रहरी कार्यालय बाजुराले जनाएको छ।
घटनापछि घाइतेलाई प्रहरीको सहयोगमा उद्धार गरी कोल्टी आधारभूत अस्पताल लगिएको थियो। सामान्य उपचारपछि थप उपचारका लागि उनलाई नेपालगञ्ज, बाँके रिफर गरिएको छ। चिकित्सकका अनुसार घाइतेको अवस्था मध्यम रहेको छ।
घटनाका बेला घाइतेसँग उनका बुवा समुन्द्र बुढा पनि रहेको प्रहरीले जनाएको छ। आक्रमणकारीको पहिचान खुल्न सकेको छैन भने खोजतलास तथा अनुसन्धान जारी रहेको प्रहरीले जनाएको छ।
प्रतिक्रिया दिनुहोस्