काठमाण्डु– काँग्रेस सांसद् अमरेशकुमार सिंहले सरकारले व्यवसायिक वातावरण बनाउनुको साटो डर फैलाएको टिप्पणी गरेका छन् ।
बिहीबार प्रतिनिधिसभामा विनियोजन विधेयकमाथिको छलफलमा भाग लिँदै सिंहले डरले शासन चले पनि मुलुकको विकास सम्भव नहुने बताए ।
डरका कारण बैंकमा पैसा थुप्रिएको भए पनि व्यापार गर्न सकैले ऋण लिने अवस्था नरहेको उनको भनाइ थियो ।
‘विद्वान मित्र अर्थमन्त्रीलाई पुरानो सांसदको नाताले एउटा प्रश्न सोध्न चाहन्छु, यो बजेटबाट नेपालका कति प्रतिशत जनसंख्या खुसी छ ? बैंकमा निक्षेप जम्मा भएको छ । कसैले ऋण लिने अवस्था छैन’, सिंहले भने, ‘ किनकी यहाँ आजको दिन व्यापार गर्ने वातावरण छैन, डरको माहोल छ । डरले शासन चल्ला, तर, डरले देश विकास हुँदैन ।’
जेनजी आन्दोलन युवाहरुको विद्रोह भएको भन्दै उनले युवलाई रोजगारी दिने कार्यक्रम बजेटमा नआएको बताए ।
प्रतिक्रिया दिनुहोस्