बझाङमा एक घरमा आगलागी

बझाङ – बझाङको जयपृथ्वी नगरपालिकामा आगलागीको घटनामा एक घर पूर्णरूपमा जलेर नष्ट भएको छ।

जिल्लाको जयपृथ्वी नगरपालिका–४ भिडमुनी निवासी ४५ वर्षीय विष्णुबहादुर खड्काको घरमा बिहीबार दिउँसो आगो लागेको प्रहरीले जनाएको छ। आगलागीबाट घरमा रहेको सम्पूर्ण संरचना क्षतिग्रस्त भएको बताइएको छ।

स्थानीयवासीको सक्रियतामा आगो थप फैलिन नदिई नियन्त्रणमा लिइएको थियो। घटनापछि प्रहरीले आगलागीको कारण र क्षतिको विवरणबारे अनुसन्धान अघि बढाएको जिल्ला प्रहरी कार्यालय बझाङले जानकारी दिएको छ।