धनगढी – धनगढीमा नवजीवन सहकारी संस्था लिमिटेडको ३२औं वार्षिक साधारण सभासँगै चुनावी माहोल दिनप्रतिदिन तातिँदै गएको छ। यही माहोलबीच सञ्चालक समिति सदस्य पदका उम्मेदवार सुरज बहादुर रैका अहिले चर्चाको केन्द्रमा उभिएका छन्।
“रोयल शुट हाउस” का सञ्चालकका रूपमा व्यवसायिक क्षेत्रमा सफल पहिचान बनाएका रैका केवल एक व्यवसायी मात्र होइनन्, उनी एक जिम्मेवार, दूरदर्शी र समाजप्रति प्रतिबद्ध व्यक्तित्वका रूपमा चिनिन्छन्। सालिन, भद्र र अत्यन्तै मिलनसार स्वभावका कारण उनी सबै वर्ग र समुदायका मानिसहरूसँग सहज रूपमा घुलमिल हुन सक्ने क्षमता राख्छन्, जसले उनलाई अझ लोकप्रिय बनाएको छ।
लामो समयदेखि व्यवसाय क्षेत्रमा संलग्न रहँदै आएका रैकाले बजारको उतारचढाव, आर्थिक व्यवस्थापन र संस्थागत नेतृत्वबारे गहिरो अनुभव बटुलेका छन्। यही अनुभवलाई अब सहकारीको विकास र सुदृढीकरणमा प्रयोग गर्ने उनको योजना छ। “पारदर्शिता, प्रविधिमैत्री सेवा र सदस्यकेन्द्रित सहकारी” उनको मुख्य एजेन्डा रहेको बताइन्छ।
स्थानीयस्तरमा विश्वास जितेका रैका समस्यालाई नजिकबाट बुझ्ने र समाधान खोज्ने शैलीका कारण पनि चर्चित छन्। उनीजस्ता अनुभवी र सकारात्मक सोच भएका व्यक्तिले सहकारीमा नयाँ ऊर्जा, अनुशासन र दिगो विकासको मार्ग खोल्ने विश्वास समर्थकहरूले व्यक्त गरेका छन्।
चुनावी प्रतिस्पर्धा कडा हुँदै जाँदा रैकाको पक्षमा माहोल झन् बलियो बन्दै गएको देखिन्छ। समर्थकहरू “क्रम संख्या २७” मा मतदान गरी उनलाई अत्यधिक मतले विजयी गराउने अभियानमा सक्रिय छन्।
के धनगढीले यसपटक अनुभव, सरलता र विश्वासको संयोजनलाई रोज्नेछ ? समयले छिट्टै जवाफ दिनेछ।
प्रतिक्रिया दिनुहोस्