काठमाडौं । विगतमा भएका कूटनीतिक अभ्यासलाई तोड्दै प्रधानमन्त्री बालेन्द्र शाह (बालेन) ले बुधबार काठमाडौंस्थित १७ देशका राजदूतहरूलाई ‘सामूहिक शिष्टाचार भेट’ दिए ।
विगतमा प्रधानमन्त्रीहरूले प्रत्येक देशका राजदूतहरूलाई छुट्टाछुट्टै भेट्थे । कुनै विशषे अवस्थाका बारेमा जानकारी दिन र सहयोग माग्न परेमा ‘कूटनीतिक ब्रिफिङ’का नाममा राजदूतहरूलाई एकसाथ बोलाई सम्बोधन गर्ने गरिन्थ्यो ।
तर, यसपटक बालेन्द्र शाहले यसअघि भइरहेको अभ्यासलाई पछ्याएनन् । उनले सुरुमै आफूसँग भेटवार्ताको समय माग्ने सबैलाई राजदूतलाई एकसाथ भेट्ने निर्णय लिए र यसको तारतम्य मिलायो परराष्ट्र मन्त्रालयले ।
काठमाडौंमा रहेका २८ वटा विदेशी नियोगहरूमध्ये १७ वटा नियोगका प्रमुखहरू बुधबारको सामूहिक शिष्टाचार भेटवार्तामा सहभागी थिए । भेटवार्ता सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको थियो ।
प्रतिक्रिया दिनुहोस्