नेकपा कार्यसंयोजन समितिको बैठक चौथो दिन पनि नसकिने

काठमाडौँ । नेपाली कम्युनिस्ट पार्टीको केन्द्रीय कार्यसंयोजन समितिको बैठक चौथो दिन सुरु भएको छ । केन्द्रीय कार्यालय पेरिसडाँडामा सोमबारदेखि संयोजक पुष्पकमल दाहाल प्रचण्डले पेस गरेका चुनावी समीक्षा प्रतिवेदनमाथि नेताहरूले धारणा राख्ने क्रम जारी छ । 

चुनावी हारको समीक्षा, पार्टी पुनर्गठन र रूपान्तरण तथा आगामी कार्यभार सम्बन्धमा छलफल भइरहेको नेता गङ्गानारायण श्रेष्ठले जानकारी दिए । श्रेष्ठका अनुसार बैठकको निर्णय शुक्रबारसम्म आउन सक्नेछ । 

अहिलेसम्म १९ जना सदस्यले प्रचण्डले पेस गरेको प्रतिवेदनमाथि धारणा राखेका छन् । द्रुत गतिमा भइरहेको प्रविधिको विकास, नय युवाहरूको आवश्यकता, विश्वको भू–राजनीतिले नेपालमा पार्न सक्ने प्रभावमा केन्द्रित रहेर नेताहरूले धारणा राखेका छन् ।