काठमाडौँमा राजनीतिक माहोल केही तातेको छ। रामबहादुर थापा (बादल) को पछिल्लो अभिव्यक्तिलाई लिएर नेकपा एमाले भित्र असन्तुष्टि बढेको देखिन्छ।
पार्टी स्रोतका अनुसार, आज दिउँसो १ बजे बस्ने सचिवालय बैठकमा थापाको भनाइ मुख्य एजेन्डा बन्नेछ। संसदमा उनले व्यक्त गरेको धारणा पार्टीको आधिकारिक लाइनसँग मेल नखाएकाले उनलाई औपचारिक रूपमा सचेत गराउने तयारी गरिएको छ। साथै, संसदीय आचरण र जिम्मेवारीबारे पनि स्पष्ट रूपमा सम्झाइने बताइएको छ।
गत १९ चैतमा संसदमा बोल्ने क्रममा थापाले विभिन्न राजनीतिक घटनाक्रमलाई षड्यन्त्रको रूपमा व्याख्या गर्दै नेपाली सेना, सरकारी कर्मचारी र केही विदेशी निकायप्रति आरोप लगाएका थिए। पार्टी नेतृत्वले यसलाई आफ्नो नीतिभन्दा बाहिरको धारणा ठानेको छ।
यस विषयले पार्टीभित्र हलचल ल्याएको छ। विष्णु पौडेल ले पनि आजको बैठकमा यसबारे गम्भीर छलफल हुने र आवश्यक निर्णय गरिने संकेत दिएका छन्।
प्रतिक्रिया दिनुहोस्