देउवा–कोइराला समूहको बैठक आज पनि बस्दै

 नेपाली कांग्रेसको शेरबहादुर देउवा र डा शेखर कोइराला समूहको १४औँ महाधिवेशनबाट निर्वाचित केन्द्रीय कार्यसमिति बैठक आज पनि बस्ने भएको छ । 

मंगलबार नेताहरूले धारणा राख्ने क्रम नसकिएकाले आज पनि बैठक बस्ने भएको नेतृ लक्ष्मी खतिवडाले जानकारी दिइन् । बैठक दिउसो १ बजे सुरु हुनेछ । 

मंगलबारको बैठक निवर्तमान कार्यवाहक सभापति पूर्णबहादुर खड्काको सभापतित्वमा बसेको थियो । बैठकमा खड्काले आफूहरूसँग १४औँ महाधिवेशनबाट निर्वाचित ११३ जना पदाधिकारीसहितका सदस्य रहेको बताएका थिए । आज भने ७० बढी पदाधिकारीसहितका केन्द्रीय सदस्य बैठकमा सहभागी थिए । 

बैठकमा समसामयिक राजनीति, पार्टीको आन्तरिक राजनीति निर्वाचनको समीक्षालगायतमा छलफल भएको नेता बद्री पाण्डेले जानकारी दिए ।