तनहुँमा पत्रकार महासङ्घको ७१औँ स्थापना दिवसमा ६ जना पत्रकार पुरस्कृत

दमौली (तनहुँ): नेपाल पत्रकार महासङ्घको ७१औँ स्थापना दिवसका अवसरमा तनहुँमा ६ जना पत्रकारलाई पुरस्कार दिइएको छ। दमौलीमा महासङ्घ तनहुँ शाखाले आयोजना गरेको कार्यक्रममा उनीहरूलाई सम्मान गरिएको हो।

पुरस्कार विजेताहरू यसप्रकार छन्:

• सुरज गुरुङ स्मृति पत्रकारिता पुरस्कार – उज्वल पौडेल
• भवानी खनाल स्मृति पत्रकारिता पुरस्कार – नारायण खड्का
• पुरुषोत्तम काफ्ले स्मृति पत्रकारिता पुरस्कार – श्रीहरि पौडेल
• हरिभक्त भट्टराई स्मृति पत्रकारिता पुरस्कार – राजकुमार श्रेष्ठ (विवि)
• चिरञ्जीवी हरिमाया स्मृति पत्रकारिता पुरस्कार – मिला दरै
• टीकानिधि ढुङ्गाना स्मृति व्यास–पराशर पत्रकारिता पुरस्कार – ओमकार आचार्य

महासङ्घले न्याय, सहकारी, धार्मिक, सांस्कृतिक र पर्यटन क्षेत्रमा योगदान पुर्‍याउने पत्रकारलाई प्रत्येक वर्ष सम्मान गर्दै आएको छ। सुरज गुरुङ पुरस्कार रु ५ हजारको छ भने अन्य पुरस्कारहरू रु १० हजारको छन्।

कार्यक्रममा व्यास नगरपालिकाका प्रमुख वैकुण्ठ न्यौपाने, प्रमुख जिल्ला अधिकारी शिवलाल तिवारी र शाखाका अध्यक्ष डिपी अधिकारीले पुरस्कार प्रदान गरेका थिए।