एमालेले बोलायो सांसदहरूको बैठक, आजै संसदीय दलको नेता चयन गर्ने

काठमाडौं।
नेकपा एमालेले प्रतिनिधि सभाका नवनिर्वाचित सांसदहरूलाई शपथपछि दिउँसो ३ बजे पार्टी केन्द्रीय कार्यालय, च्यासलमा उपस्थित हुन सूचना जारी गरेको छ।

प्रतिनिधि सभाका नवनिर्वाचित सांसदहरूको शपथ बिहीबार दिउँसो २ बजे सिंहदरबारमा हुँदैछ। एमालेले राष्ट्रिय सभा र प्रतिनिधि सभा दुवै सदनका सांसदहरूलाई समेत बोलाएको एमाले प्रचार विभाग प्रमुख मीनबहादुर शाहीले जानकारी दिएका छन्।

प्रतिनिधि सभामा एमालेका २५ सांसद रहेका छन् र यो संसदको तेस्रो ठूलो दल हो। पार्टीको तर्फबाट संसदीय दलको नेता चयन गर्ने, साथै संसदमा सांसदहरूले खेल्ने भूमिकाबारे जानकारी गराउने र नेतृत्वले बधाई दिने कार्यक्रमसमेत रहेको बुझिएको छ।