कञ्चनपुरमा खैरो हिरोईनसहित दुई जना युवक पक्राउ परेका छन्। पक्राउ पर्नेमा कृष्णपुर नगरपालिका–७ कलुवापुरका २४ वर्षीय भिम राना र सोही नगरपालिका–५ गुलरियाका २६ वर्षीय आकाश राना रहेका छन्।
आइतबार साँझ बेलौरी नगरपालिका–१० सडकघाट क्षेत्रमा चेकजाँचका क्रममा उनीहरू सवार सुदूरपश्चिम प्रदेश ०१–००८ प ९७३० नम्बरको मोटरसाइकलबाट ९ ग्राम ६५० मिलिग्राम खैरो हिरोईन बरामद गरिएको प्रहरीले जनाएको छ।
इलाका प्रहरी कार्यालय बेलडाँडी र प्रहरी चौकी भुडाबाट खटिएको संयुक्त टोलीले भारतबाट नेपालतर्फ आउँदै गरेका उनीहरूलाई नियन्त्रणमा लिएको हो।
प्रतिक्रिया दिनुहोस्