प्रधानमन्त्री सुशीला कार्की मुगु भ्रमणमा, राराताल अवलोकन र सुरक्षा निकायसँग छलफल गर्ने

मुगु। प्रधानमन्त्री सुशीला कार्की आज बिहान नेपाली सेनाको हेलिकोप्टरमार्फत सुर्खेत हुँदै मुगु पुगेकी छन् ।

भ्रमणका क्रममा उनले विश्वप्रसिद्ध रारातालको अवलोकन गर्ने र त्यहाँ उपस्थित सुरक्षा निकायका प्रमुखहरूसँग भेटघाट गर्ने कार्यक्रम रहेको छ ।

मुगुका प्रमुख जिल्ला अधिकारी खडानन्द खत्रीका अनुसार प्रधानमन्त्रीले मुगु र जुम्लाको भ्रमण सकेर भोलि जनकपुर जाने योजना छ । अन्य विस्तृत कार्यक्रमबारे भने जानकारी सार्वजनिक भएको छैन ।