घण्टी बजाएर सुरु भयो रास्वपाका सांसदहरूको अभिमुखीकरण

काठमाडौँ- ललितपुरको ग्वार्कोस्थित होटल रोयल टुलिपमा राष्ट्रिय स्वतन्त्र पार्टी (रास्वपा) का नवनिर्वाचित सांसदहरूका लागि विशेष अभिमुखीकरण कार्यशाला सुरु भएको छ।

दुई दिनसम्म चल्ने कार्यक्रमको उद्घाटन पार्टीका उपसभापतिद्वय डोलप्रसाद अर्याल (डीपी) र डा. स्वर्णिम वाग्लेले घण्टी बजाएर गरेका छन्। कार्यक्रममा सभापति रवि लामिछाने, उपसभापतिद्वय, महामन्त्री कविन्द्र बुर्लाकोटी र आमन्त्रित प्रशिक्षकहरूले विभिन्न विषयमा प्रशिक्षण दिने कार्यसूची रहेको छ।

कार्यशालाको समापनमा सभापति लामिछानेले सम्बोधन गर्नेछन्। कार्यशालाको कार्यसूचीमा वरिष्ठ नेता बालेन्द्र शाह (बालेन) को नाम छैन। उद्घाटन कार्यक्रममा सभापित लामिछाने पनि देखिएका छैनन्।