काठमाडौँ । अभिनेता विपिन कार्कीले रास्वपाका सभापति रवि लामिछानेसँग चितवनमा होली मनाएका छन् । उनीहरूले एक अर्कालाई अबिर दलेर होली मनाएका हुन् ।
जसको तस्बिर तथा भिडियो सामाजिक सञ्जालमा आएका छन् । विपिन रविलाई चुनावमा सघाउन चितवन पुगेको बताइन्छ । विपिन पछिल्लो समय छरपस्ट कपाल, झुत्रा लुगा र सडकमा बस्ने व्यक्तिको जस्तो देखिने हुलियामा रहेको फोटो सेयर गर्दै चर्चामा छाएका थिए ।
कामको कुरा गर्दा विपिन अहिले फिल्म ‘काजी’ छायाङ्कन तयारीमा छन् । त्यसअघि उनी २१ फागुनमा हुने प्रतिनिधिसभा निर्वाचनमा मतदान गर्न आफ्नो गृहथलो मोरङ जानेछन् । उनी मोरङ क्षेत्र नम्बर ३ का मतदाता हुन् ।
प्रतिक्रिया दिनुहोस्