कैलाली । ऐश्वर्य बहुमुखी क्याम्पसका पूर्व स्ववियु सभापति समेत रहेका कमल बम रजवार अहिले सांसद बन्ने दौडमा छन् । उनी फागुन २१ गते हुने प्रतिनिधि सभा सदस्यको निर्वाचनमा कैलाली ४ मा राष्ट्रिय प्रजातन्त्र पार्टी (राप्रपा)का उम्मेदवार हुन् ।
विद्यार्थी राजनीतिबाट उदाएर राष्ट्रिय राजनीतिमा आफ्नो उपस्थितिलाई बलियो बनाउने तयारीमा रहेका कमल संसदको यात्रा तय गर्ने लक्ष्यसहित चुनावी मैदानमा होमिएका छन् ।
“भ्रष्टाचार गरेर खानु, आमाको रगत खानु सरह हो” भन्ने सशक्त नारासहित चुनावी अभियानमा जुटेका रजवारले देश बचाउन र बनाउन हलोमा मतदान गर्न मतदातासँग अपिल गरेका छन् । उनले युवाको सहभागिता, सुशासन र विकासलाई आफ्नो मुख्य एजेन्डा बनाएका छन् ।
स्थानीय स्तरमा विद्यार्थी राजनीतिबाट नेतृत्व क्षमता प्रमाणित गरिसकेका रजवारलाई युवापुस्ताको बलियो साथ छ ।
स्ववियु सभापतिदेखि संसदसम्मको यात्रामा रहेका कमल बम रजवार सफल हुन्छन् वा हुँदैनन् फागुन २१ गते नै थाहा हुन्छ । तर स्थानीय स्तरमा युवाको समर्थन र राजनीतिक रुपमा स्पष्ट छवि बनाएका कमललाई बलियो प्रतिस्पर्धीका रुपमा हेरिएको छ ।
प्रतिक्रिया दिनुहोस्