काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले चितवन क्षेत्र नम्बर २ मा चुनावी प्रचार सुरु गरेका छन् । शुक्रबार चुनावी प्रचारका लागि चितवन– २ का विभिन्न स्थानमा खोलिएका कार्यालयको उद्घाटन गर्दै लामिछानेले चुनावी प्रचार सुरु गरेका हुन् ।
रविले अबको लडाईं दलको उमेदवारसँग नभइ गरिबी, अशिक्षा, बेरोजगारीलगायत देशका विभिन्न समस्यासँग भएको बताए ।
चुनावी अभियानको क्रममा कसैलाई गालीगलौज नगर्न र कसैले गरे पनि प्रतिबाद नगर्न उनले आग्रह गरे ।
रविले अबको जवाफ मतदानको दिन मतपत्रमा छाप लगाएर दिनुपर्ने बताए । रविले निर्वाचनका क्रममा आफू देशभर जानुपर्ने भएकाले चितवनबासीसँग धेरै भेटघाट गर्न नपाउने भन्दै मत दिन आग्रह गरे ।
प्रतिक्रिया दिनुहोस्