बैतडीमा निर्वाचन प्रहरीको भिरबाट लडेर मृत्यु

बैतडी।

निर्वाचन सुरक्षामा खटिएका एक प्रहरीको भिरबाट लडेर मृत्यु भएको छ। जिल्ला प्रहरी कार्यालय बैतडीका प्रमुख दीपककुमार रायका अनुसार दशरथचन्द नगरपालिका–४ निवासी ३२ वर्षीय निर्वाचन प्रहरी प्रकाश चन्दको मृत्यु भएको हो।

चन्द सुन्दरखाली मैदानमा सञ्चालित निर्वाचनसम्बन्धी तालिम सम्पन्न गरी घरतर्फ फर्किने क्रममा खरकटे सल्लेरी भन्ने स्थानमा भिरबाट लडेर आज बिहान ज्यान गएको प्रहरीले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।