चुनावको तयारी: माघ २१ गतेदेखि सेना परिचालन गरिने

धनगढी । आगामी २१ फागुनमा हुने प्रतिनिधि सभा निर्वाचनका लागि नेपाली सेना २१ माघदेखि परिचालन हुने भएको छ । एकीकृत निर्वाचन सुरक्षा योजना २०८२ अनुसार सेना फिल्ड गस्तीमा निस्कनेछ ।

निर्वाचन सुरक्षाका लागि देशभर ७९ हजार ७२७ सैनिक खटाइने छन् ।

संवेदनशील क्षेत्र र मतदानस्थलको अवस्थाअनुसार नेपाल प्रहरी र सशस्त्र प्रहरीसँग समन्वयमा संयुक्त गस्तीसमेत गरिनेछ।

मन्त्रिपरिषद्को सिफारिसमा राष्ट्रपति रामचन्द्र पौडेलले सेना परिचालनको स्वीकृति दिएपछि सुरक्षा योजना तयार गरी तालिम तथा अभ्यास सम्पन्न गरिएको थियो । अहिले सोही योजनाअनुसार सुरक्षा व्यवस्था कार्यान्वयनमा आएको छ ।