काठमाडौँ । नेकपा एमालेले दुई जोडी (पतिपत्नी) लाई उम्मेदवारको टिकट दिएको छ । एमालेको शनिबार रातीसम्म बसेको बैठकले दुई जोडीलाई फागुन २१ गतेका प्रतिनिधि सभा सदस्यको निर्वाचनका लागि उम्मेदवारको टिकट दिएको हो ।
एमालेले धनुषा-४ मा रघुवीर महासेठलाई र धनुषा-३ मा जुलीकुमारी महतोलाई उम्मेदवारको टिकट दिएको छ । उनीहरु दुवैजना श्रीमान-श्रीमती हुन् ।
HIGHLIGHTSनेकपा एमालेले दुई जोडी (पतिपत्नी) लाई उम्मेदवारको टिकट दिएको छ ।
अघिल्लो निर्वाचनमा पनि उनीहरु दुवैजना धुनषाबाटै चुनाव लडेका थिए । महासेठ एमालेको ११औँ महाधिवेशनमा ओली समूहबाटै उपमहासचिवमा वियजी भएका थिए । उनकी श्रीमती मधेशी महिला सदस्यतर्फ केन्द्रीय सदस्यमा विजयी भएकी थिइन् ।
त्यस्तै, एमालेले समानुपातिकतर्फ आदिवासी जनजाति महिलातर्फ उम्मेदवार बनाएकी उषाकला राई र सिन्धुपाल्चोक-२ मा उम्मेदवार बन्न लागेका शेरबहादुर तामाङ पनि श्रीमान-श्रीमती हुन् ।
उनीहरु दुवैजना एमालेको ११औँ महाधिवेशनमा केपी ओलीकै समूहतर्फबाट केन्द्रीय सदस्यमा विजयी भएका थिए ।
प्रतिक्रिया दिनुहोस्