धनगढी । वीरबहादुर सिंह ठकुरी बेल्डाँडी गाउँपालिकामै विद्यावारिधि (पिएडी) गर्ने पहिलो व्यक्ति बनेका छन् । सुपका उपप्रध्यापक समेत रहेका ठकुरी कञ्चनपुरको बेल्डाँडी गाउँपालिकामै पिएडी गर्ने पहिलो व्यक्ति बनेका हुन् ।
उनले त्रिभुवन विश्वविद्यालयबाट ग्रामीण विकास विषयमा भीमदत्त नगरपालिका, कञ्चनपुरमा वैदेशिक रोजगारीका सामाजिक आर्थिक प्रभावहरु भन्ने शीर्षकमा पिएचडी पूरा गरेका हुन् ।
२०८२ पुष १६ गते अन्तिम मौखिक परीक्षा उत्तीर्ण गर्दै ठकुरी बेल्डाँडीमै पिएचडी गर्ने पहिलो व्यक्ति बनेका छन् । पिएचडी पूरा गरेपछि उनले सामाजिक सञ्जाल फेसबुकमार्फत खुसी साटेका छन् । उनले उक्त उपलब्धिलाई ऐतिहासिक क्षणको रुपमा उल्लेख गरेका छन् ।
ठकुरीको सफलताले बेल्डाँडी गाउँपालिकासँगै समग्र सुदूरपश्चिम प्रदेशका युवालाई उच्च शिक्षातर्फ आकर्षण गर्नुका साथै अध्ययनमा प्रेरणा प्रदान गर्ने विश्वास गरिएको छ ।
प्रतिक्रिया दिनुहोस्