कोशी र गण्डकी प्रदेशका एक-दुई स्थानमा भारी वर्षाको सम्भावना 

काठमाडौँ — आज दिउँसो कोशी प्रदेश र गण्डकी प्रदेशलगायत देशका पहाडी भू–भागमामा आंशिकदेखि साधारण बदली रहने भएपनि बाँकी भू–भागमा मौसम मुख्यतया सफादेखि आंशिक बदली हुनेछ ।

बंगालको खाडीबाट आएको जलवाष्पयुक्त हावाकोसमेत आंशिक प्रभाव देखिन थालेको र पश्चिमी वायु तथा स्थानीय वायुको प्रभाव रहिरहेकै अवस्थामा आज दिउँसो र राती कोशी प्रदेशका केही स्थानमा, मधेश प्रदेश, बागमती प्रदेश र गण्डकी प्रदेश लगायत देशको पहाडी भू–भागका थोरै स्थानमा र बाँकी भू–भागका एक–दुई स्थानमा मेघगर्जन/चट्याङसहित हल्कादेखि मध्यम वर्षाको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले प्रक्षेपण गरेको छ ।

कोशी प्रदेश र गण्डकी प्रदेशका एक–दुई स्थानमा भारी वर्षाकोसमेत सम्भावना रहेको छ । कोशी प्रदेश र बागमती प्रदेशको उच्च–पहाडी तथा हिमाली भू–भागका थोरै स्थानमा र बाँकी उच्च–पहाडी तथा हिमाली भू–भागका ‍एक–दुई स्थानमा हल्का वर्षा/ हिमपातको सम्भावना छ ।

राती भने कोशी प्रदेश, मधेश प्रदेश, बागमती प्रदेश, गण्डकी प्रदेश र सुदूरपश्चिम प्रदेशलगायत देशका पहाडी भू–भागमा आंशिकदेखि साधारणता बदली रही बाँकी भू–भागमा मौसम मुख्यतया सफादेखि आंशिक बदली रहनेछ ।

कोशी प्रदेशको उच्च–पहाडी तथा हिमाली भू–भागका थोरै स्थान र बाँकी उच्च–पहाडी तथा हिमाली भू–भागका ‍एक–दुई स्थानमा हल्का वर्षा/हिमपातको सम्भावना रहेको छ।