काठमाडौँ : नेपाली काँग्रेसका सांसद रामहरि खतिवडाले शिक्षकहरूलाई विद्यालय फर्काउने वातावरण बनाउन सरकारसँग माग गरेका छन्। प्रतिनिधि सभाको बैठकमा बोल्दै शिक्षकहरू काँग्रेस, एमाले र माओवादीको मात्रै नभएको बताएका छन् ।
उनले भने, ‘शिक्षकहरूलाई पानीको फोहोरा हानेर मात्रै हुँदैन। तुरुन्त विद्यालय फर्काउने वातावरण बनाइयोस्। उहाँको जायज माग पूरा गर्न सरकार लागोस्, शिक्षामन्त्री नवनियुक्त हुनुहुन्छ उहाँले सदनमा आएर जवाफ दिने वातावरण बनाउनुपर्छ।’
उनले सरकारसँग तत्कालै नेपाल राष्ट्र बैंकको गभर्नर नियुक्ति गर्न पनि माग गरेका छन्।
प्रतिक्रिया दिनुहोस्