विराटनगर : नेकपा एकीकृत समाजवादीका अध्यक्ष माधव नेपालले एमालेसँग एकताको सम्भव नभएको बताएका छन्।
एकीकृत समाजवादी कोशी प्रदेशको सम्मेलन उद्घाटनका लागि विराटनगर पुगेका अध्यक्ष नेपालले सो कुरा बताएका हुन् ।
एमालेसँग कुनै हालतमा पार्टी एकताको सम्भव नभएको उनले बताए।
अध्यक्ष नेपालले राजतन्त्रवादीहरुले केही समय यता चुरीफुरी गरिरहेको उल्लेख गर्दै राजतन्त्र फर्किने कुरा दिवा सपना मात्रै भएको बताए ।
राजतन्त्र फर्किनु, राणातन्त्र फर्किनु र दास युग फर्किनु उस्तै भएको अध्यक्ष नेपालको भनाई छ ।
असम्भव कुराका पछि नदौडन जनतालाई उनले आह्वानसमेत गरे ।
प्रतिक्रिया दनुहोस्