गगनको मधेश मोह, एयरपोर्टमै स्वागतको लागि सयौं महँगा गाडीहरूको जोहो

काठमाडौं : नेपाली कांग्रेसका महामन्त्री गगन थापा यतिवेला देशव्यापी दौडाहमा छन् । उनी हिजो मधेश प्रदेशको राजधानी जनकपुर पुगेका थिए । तर, उनी जनकपुर विमानसथलमा नभई बाराको सिमरा एयरपोर्टमा झरेका थिए ।

पार्टीका सहमहामन्त्री महेन्द्र यादवका छोरा र मधेश प्रदेशका सभापति कृष्णप्रसाद यादवकी छोरीको विवाह समारोहमा सरिक हुन कांग्रेस नेताहरु यतिवेला मधेशमा छन् । सभापति शेरबहादुर देउवापनि हिजै पुगेका थिए । अधिकांश नेताहरु जनकपुर विमानस्थलमा ओर्लिएका थिए ।

तर, थापा भने सिमारा विमानस्थलमा ओर्लिएर गाडीको लावालस्करसहित जनकपुर पुगेका हुन् । उनलाई विमानस्थलमा लिनको लागि ठूलो संख्यामा विलाषी गाडीहरु र मोटरसाईल विमानस्थलमा तैथान गरिएको थियो । सार्वजनिक भिडिओमा थापाको स्वागतको लागि मैथलीमै गीतसमेत तयार पारिएको थियो ।

०७९ को आम निर्वाचनमा नै थापा सर्लाहीबाट उठ्ने हल्ला थियो । काठमाडौं–४ मा स्वर्णीम वाग्लेको लागि टिकट मागेका थापाबारे उनी भने मधेश झर्ने चर्चा थियो । तर, सभापति देउवाले वाग्लेलाई टिकट नै दिएनन् । अन्ततः गगन काठमाडौंमै बस्नुपरेको चर्चा अहिलेपनि ताजैछ ।