प्रधानमन्त्री ओलीलाई बालेनले भने : मलाई हराउने ताकमा, देशलाई चाहिँ नडुबाउनू

काठमाडौं : काठमाडौं महानगरपालिकाका बालेन्द्र शाह (बालेन) ले प्रधानमन्त्री केपी शर्मा ओलीलाई ‘देशलाई नडुबाउन’ अनुरोध गरेका छन् । 

शुक्रबार बेलुका सामाजिक सञ्जालमार्फत मेयर शाहले सो अनुरोध गरेका हुन् । उनले प्रधानमन्त्री ओली आफूलाई हराउने ध्याउन्नमा लागेको आरोप पनि लगाएका छन् । 

‘प्रधानमन्त्री ज्यू, भोको पेट मारेर मलाई हराउन खोज्नु भएको छ । हामी त तपाईँकै मदन भण्डारीको सपना पूरा गर्न हिँडेको मन्छे । मलाई हराउने ताकमा, देशलाई चाहिँ नडुबाउनु होला,’ मेयर शाहले फेसबुकमा लेखेका छन् ।