हराएको १ महिना बित्दा पनि भेटिएनन प्रकाश, खोजिदिन आफन्तको चित्कार 

धनगढी ।  असोज २२ गते हराएका कंचनपुरका प्रकाशराज पन्त अझै भेटिएका छैनन् । घरबाट निस्केदेखि बेपत्ता भएका पन्त एक महिना बित्न लाग्दा पनि नभेटिएका हुन् । 

आफन्तका अनुसार जिल्लाको बेदकोट नगरपालिका-७ सुडा बस्ने पन्त असोज २२ गते दिउँसो करिब १२ बजे घरबाट निस्किएका थिए ।  तर त्यसपछि उनि घर फर्किएनन । 

उनको साथमा पैसा, नागरिकता, लुगा, कपडा, झोला केही नभएको उनको आफन्तले बताएका छन् । 

अझ केही समययता डिप्रेसनको औषधि समेत खाँदै आएका पन्त साथमा औषधि समेत नलिई घरबाट निस्किएको पन्तको आफन्तको भनाई छ । 

खोजीकार्य गर्दैजाँदा सिसि टिभी फुटेजमा पन्त बनबासाको सारदा ब्यारेजसम्म पुगेको देखिए पनि त्यसपछि उनि कता गए भन्ने केही थाहा नभएको आफन्तले बताएका छन । हाल पन्तका आफन्तले बेपत्ता भएका पन्तको खोजि गरिदिन नेपाल प्रहरी र भारतीय प्रहरीमा समेत जानकारी गराएका छन् । 

त्यस्तै उनीहरुले कहिँकतै भेटे वा देखेमा नजिकैको प्रहरीमा खबर गरिदिन पनि आग्रह गरेका छन् ।