धनगढी । धनगढीको गेटामा बेबारिसे भेटिएका उत्तम रावलको अन्तत: परिवारसंग् मिलन भएको छ ।
कल २४ न्युजको टिम र दृष्टि फाउन्डेसनकी संचालक कल्पना भट्टको संयुक्त पहलमा गेटाको मेडिकल कलेज अगडिबाट उद्दार गरिएका उत्तमको आइतबार परिवारसंग मिलन भएको हो ।
उत्तमलाई उद्दार गरेर बर्दगोरियाको साहरा घरमा पठाएको श्रव्यदृश्य सामाग्री कल २४ न्युजले प्रशारण गरेपछि उत्तमको परिवार सम्पर्कमा आएका थिए ।
त्यसपछि कल २४ न्युज टिम, उद्दारमा सहयोग गर्नुभएकी दृष्टि फाउन्डेसनकी संचालक कल्पना भट्टसहितको टोलिले बर्दगोरियाको साहरा घर पुगेर उत्तम र उनको परिवारबीच मिलन गराएको हो ।
विगत १ वर्षदेखि सम्पर्कबिहीन भएका उत्तमलाई लिन उनको दाइ, भाउजु र भाइ आएका थिए ।
सम्पर्कबिहीन भएको महिनौँसम्म पनि उत्तमको कुनै पत्ता नलागेपछि उनको परिवारले उनी संसारमै नरहेको मानेको उत्तमका दाइले बताए । तर मर्यो भनिएको भाइ जिवितै भेटिंदा सपनाजस्तै लागेको उनले बताएका छन् ।
उत्तमको आफ्नो परिवारसंगको मिलनका क्रममा उत्तमका दाइ, भाउजु, भाइ र अन्य भावविहल भएका थिए । उनीहरुले उद्दारमा सहयोग गर्ने सबैलाई धन्यवादसमेत दिएका छन् ।
प्रतिक्रिया दिनुहोस्