डोटी : डोटीको दिपायल सिलगढी नगरपालिका-७ पाकरीकी एक वेपत्ताको शव फेला परेको छ।
शनिवार बिहान करीव ११ बजेतिर घरबाट घाँस काट्न निस्केकी अन्दाजी ४८ बर्षीया चन्द्रा बिष्ट हराएकी थिइन् । बिहानै निस्केकी चन्द्रा साँझ ७ बजेसम्म पनि घर नआएपछि आफन्तहरुले खोजी गर्न सुरु गरेका थिए । कहीँकतै भेटाउन नसकेपछि राती ९ बजे प्रहरीलाइ खवर गरिएको चन्द्राका नातेदार समेत रहेका एमाले नेता नारद मलासीले जानकारी दिए ।
नेपाल प्रहरी र सशस्त्र प्रहरीको टोलीले चन्द्राको खोजी गरिरहेको थियो । प्रहरी र स्थानीयबासीहरूकाे टाेलीले खाेज्दै जाँदा घरबाट करीव अाधा घण्टाकाे दुरीमा रहेकाे जंगलमा उनकाे शव घाेप्टाे परेकाे अवस्थामा भेटिएकाे उनका अाफन्त हिक्मतवहादुर बिष्टले जानकारी दिए ।
घटनाबारे प्रहरीले अनुसन्धान गरिरहेको जनाएको छ
।
प्रतिक्रिया दिनुहोस्