धनगढी – सन् २०२४ मा हुन लागेको आइसिसि टिट्वान्टी विश्वकपका लागि समूह विभाजन गरिएको छ ।
२० देश सहभागी हुने प्रतियोगिताको पहिलो चरणका लागि ५-५ देशको ४ समूह बनाइएको छ जसमध्ये नेपाल रहेको समूह ‘डि’ मा दक्षिण अफ्रिका, श्रीलंका, बङ्गलादेश र नेदरल्यान्ड रहेका छन् । यसैगरी समूह ‘ए’ मा भारत, पाकिस्तान, आयरल्यान्ड, क्यानडा र आयोजक अमेरिका रहेका छन् ।
समूह ‘बि’ मा इङ्गल्यान्ड, अस्ट्रेलिया, नामिबिया, स्कटल्याण्ड र ओमान रहेका छन् भने समूह ‘सि’ मा अर्को आयोजक वेस्टइन्डिज, न्युजिल्यान्ड, पपुवा न्युगिनी, अफगानिस्तान र युगान्डा परेका छन् । पहिलो चरणमा शीर्ष दुईमा रहने टोलीहरु सुपर आठमा प्रवेश गर्नेछन् । सुपर आठमा पनि चार-चार देशको दुई समूह बनाइनेछ जसको शीर्ष दुईमा रहने टोली सेमिफाइनल प्रवेश गर्नेछन् ।
आगामी जुन ४ देखि ३० तारिखसम्म हुने प्रतियोगिताको खेलतालिका आज साँझ सार्वजनिक गर्ने आइसिसिले जनाएको छ ।
प्रतिक्रिया दिनुहोस्