आईसीसी ओडीआई क्रिकेट विश्वकप अक्टोबर ५ देखि १५ नोभेम्बरसम्म भारतमा हुँदै छ । भारतमा हुने विश्वकप क्रिकेटमा पाकिस्तान पनि सहभागी हुने छ ।
तर, पाकिस्तान क्रिकेट बोर्ड (पीसीबी) ले सरकारले अनुमति दिएपछि मात्रै भारत पठाउने बताएको छ । फेरि पाकिस्तानका खेलमन्त्री अहसान मजारीले एसिया कप खेल्न भारत पाकिस्तान आएमात्रै आफ्नो टिम विश्वकप खेल्न आफ्नो टिम भारत जाने चेतावनी दिएका छन् ।
यदि भारत एसिया कप खेल्न पाकिस्तान नआए पाकिस्तान पनि भारत नजाने उनले चेतावनी दिएको भारतीय सञ्चार माध्यमहरूले जनाएका छन् ।
यदि भारत एसिया कप खेल्न न्युट्रल भेन्यु खोज्छ भने हामी पनि विश्वकपमा त्यस्तै खोज्ने छौं, उनले भनेका छन् ।
एसिया कपमा भारतले पाकिस्तान गएर नखेल्ने अडान लिँदै आएको छ । भारतको अडानका कारण भारत-पाकिस्तानको खेल तेस्रो देशमा हुने तय भएको छ ।
प्रतिक्रिया दिनुहोस्