धनगढीका विद्यालयमा थप दुई दिन गर्मी बिदा

धनगढी । अत्याधिक गर्मीका कारण धनगढीका विद्यलय थप दुई दिन बिदा हुने भएका छन् । बुधबार एक सूचना जारी गर्दै धनगढी उपमहानगरपालिकाले धनगढीका विद्यालयमा थप दुई दिन बिदा दिने जनाएको हो ।

यसअघि २७ जेठदेखि ३० गनेसम्मका लागि उपमहानगरपालिकाले विद्यालयहरुमा गर्मी बिदा दिएको थियो । तर, दिनप्रतिदिन गर्मी झनै बढ्न थालेपछि उपमहानगरपालिको थप दुई दिन बिदा दिने निर्णय गरेको हो ।

उपमहानगरपालिकाका अनुसार २ दिन थप भएको बिदा हिउँदे बिदामा मिलान गरिनेछ । अब धनगढीका विद्यालय जेठ ३२ गते र असार १ गते पनि बन्द रहनेछन् ।