काठमाडौं । नेपाली राष्ट्रिय महिला क्रिकेट टिमले मलेसियासँग ट्वान्टी–२० शृंखला खेल्ने भएको छ ।
नेपाल क्रिकेट संघ (क्यान) ले बिहीबार नेपाली महिला टिमले मलेसियासँग पाँच खेलको ट्वान्टी–२० शृंखला खेल्ने जनाएको हो । मलेसियामा हुने शृंखला आउँदो मे २९ देखि सुरु हुनेछ ।
नेपाली महिला क्रिकेट टिमले पछिल्लो पटक गत वर्षको वैशाखमा त्रिवि क्रिकेट मैदानमा युगान्डासँग पाँच खेलको ट्वान्टी–२० शृंखला खेलेको थियो । त्यसयता हालसम्म कुनै पनि टिमसँग अन्तर्राष्ट्रिय क्रिकेट शृंखला खेलेको छैन ।
नेपालले मलेसियासँग मे २९ मा शृंखलाको पहिलो खेल खेल्नेछ । शृंखलाको दोस्रो खेल मे ३० मा, तेस्रो खेल जुन १ मा, चौथो जुन ३ मा र अन्तिम जुन ५ मा खेल्नेछ ।
प्रतिक्रिया दिनुहोस्