महेन्द्रनगरबाट खैरो हेरोइनसहित एक युवक पक्राउ

महेन्द्रनगर। भीमदत्त नगरपालिका–४ कभर्डहल नजिकबाट अवैध लागूऔषध खैरो हेरोइनसहित एक जना युवक पक्राउ परेको छन्।

१७ मिलिग्राम खैरो हेरोइन र नगद १४ हजार ५ सय रूपैयाँसहित सोही नगरपालिका–३ बस्ने २५ वर्षीय निराजन बोहरालाई पक्राउ गरिएको प्रहरीले जनाएको छ। प्रहरीले उनको साथबाट म.२ प ४०३८ नम्बरको मोटरसाइकलसमेत बरामद गरेको छ।

यस्तै कैलालीका भजनी नगरपालिका–५ कव्वाखेडाबाट पनि खैरो हेरोइनसहित प्रहरीले सोही नगरपालिका–३ कनैयापुर बस्ने १८ वर्षीय किशोरलाई पक्राउ गरेको छ। उनको साथबाट ३ ग्राम ८० मिलिग्राम खैरो हेरोइन बरामद भएको हो। ती किशोर भारतबाट नेपालतर्फ पैदल आउँदै गरेका बेला उक्त पदार्थसहित फेला परेका थिए।