कैलाली – कैलालीमा मालिकार्जुन दार्चुला सेवा समितिले होली मनाएको छ । कैलालीको धनगढी उपमहानगरपालिका भित्र रहेका दार्चुलेलीहरुको घरमा होलि खेल्ने उद्देश्यले शनिबार देखि होलीको सुरुवात गरिएको हो । शनिबार बिहान १० बजे मालिकार्जुन सेवा समितिको हल तारानगर बाट होलि सुरु हुँदै बिशालनगर पूगेर समापन गरिएको छ । आज पुन: होली खेलिने छ ।
पुरानो संस्कृतिको जगेर्ना, सामाजिक सद्भाव र सेवा समितिलाई आर्थिक सहयोग जुटाउनको लागि खेलिएको होलिमा पहिलो दिनको कार्यक्रम सम्पन्न भएको दार्चुला बिद्यार्थी समाज कैलालीका अध्यक्ष चन्द्र देव बिष्टले बताए । बिष्टका अनुसार होलि पर्वमा हर्षउल्लासका साथ सामाजका अग्रज, मालिकार्जुन सेवा समितिका पदाधिकारी, बिद्यार्थी लगायत अन्य समेत सहभागी छन् ।
विभिन्न गाथा गाउदै खेलिने होलि पर्वमा सुखदुःख का कुरा, भेटघाट, रमाइलो हुने र आफ्नो संस्कृति लाई पनि बचाउनु पर्ने भएकाले होलि खेल्नु पर्ने मालिकार्जुन दार्चुला सेवा समितिका अध्यक्ष महेन्द्र पन्तले बताए ।
प्रतिक्रिया दिनुहोस्