महाशिवरात्रिका अवसरमा सात लाख भक्तजनले पशुपतिको मूल मन्दिरको दर्शन गरे

काठमाडौं– महाशिवरात्रिका अवसरमा सात लाख भक्तजनले पशुपतिको मूल मन्दिरको दर्शन गरेका छन् । पशुपति क्षेत्र विकास कोषका प्रवक्ता रेवतीरमण अधिकारीका अनुसार सात लाख भक्तजनले दर्शन गरे भने मन्दिर परिसरमा झण्डै १५ लाख भक्तजन पुगेको अनुमान गरिएको छ ।

पशुपतिनाथ मन्दिरको दर्शनका लागि हिजो बिहान ३ बजेदेखि नै लाइन लागेको थियो । दर्शनार्थीका लागि हिजो पाँच वटा लाइनको व्यवस्था गरिएको थियो । शिवरात्रिका अवसरमा दर्शनार्थीबाट १५ लाखभन्दा धेरै भेटी सङ्कलन भएको पनि अनुमान गरिएको छ । मन्दिरमा चढाइएको भेटीको गणना आज हुनेछ ।